大家都係【蒸雞】B篇 [种草][惊叹]近期過古鎮公幹，有咗之前的探蒸雞店之行，再問多間本地地膽嘅另一推薦店，再嚟個探店行！ 【位置·車位】導航準確，車位可泊周邊，比較隨意隨性。 「蒸雞」盛惠68蚊/隻，聽到個價錢個個O曬咀，太抵了！點知入口瞬間，全場淪陷，雞肉彈牙非常，眾人紛紛表示好耐冇食過咁【彈牙】嘅雞肉，呢個價錢呢個出品，點可能唔復桌，又一一週內二刷的店同菜品，相對上次海洲魚餅對面嗰間，呢間贏一個馬位，堅推薦菜品[点赞][点赞][点赞][点赞][点赞][点赞] 「清蒸鯽魚」清甜嫩滑，除咗多骨外，鯽魚嘅清甜眾人皆知，不再贅述了。後悔當時冇煲粥（店家要20：00過後先有粥品提供）。 「炒雞」呢間嘅炒雞味道就控制得相當不錯，唔會唔夠味又唔會過鹹，啱啱好，好味[馋]，薦。[点赞] 「蒜蓉蒸沙蜆」鮮字嘅代表作菜品，只管落單，點就係。 「燜白蟮」醬汁同茨都處理得相當好，將白蟮嘅爽口同魚脂甘香完美綻放在食客的口腔內，好味[馋]，薦[点赞] [薄荷]环境: 大排檔，不強求。 [服务铃]服务: 同樣的落單上菜享用埋單走人模式，店係冇菜單的，想吃咩要去廚房揾老闆或老闆娘落單。 綜合評價：性價比超高，堅推薦。想食彈牙的蒸雞，此店，你，值得擁有。