8小時慢煮豬軟骨飯 呢個飯有一個醬油雞蛋黃係上面，要篤爛咗佢嚟撈飯食先好味。啲豬軟骨都好大份，啲肉好霖，入口即化。豬軟骨吸收咗醬油既味道，非常之好味。仲配有一個芝麻醬沙律，食完飯，再食啲沙律可以換下口味。 野菌松露油忌廉意粉 個忌廉意粉好香松露味，同埋仲有菇既味道。意大利粉好有咬口。 慢煮口水雞酥皮薄餅 酥皮好香脆好有層次，口水雞是辣辣的，但係就好滑身。口水雞味道和薄餅非常之配。 蒜蓉青醬茄子扁意粉 蒜蓉醬好香，意大利粉好有咬口，青醬既味道雖然係啖啖的，但亦都係唔錯👍🏻，與意大利粉很配。 意式蕃茄肉丸芝士酥皮薄餅 芝士很厚實，好香既酥皮與肉丸配搭得非常之好，肉丸是黑淑肉丸很有彈性。蕃茄酸酸甜甜挺開胃。 慢煮手撕豬腩手撕窩夫三文治 窩夫烤得很香脆軟軟的，手撕豬腩非常之入味，用醬炆得好林，啲黃色既醬有種沙律味，與窩夫很夾。 冰糖士多啤梨配士多啤梨雪糕窩夫 冰糖士多啤梨酸酸甜甜又多汁，雪糕與窩夫一冷一熱簡直就係有種冰火既感覺。 如果同行有人生日，可以請店內的廚師用朱古力筆把生日快樂等字句寫在窩夫碟上面，窩夫擺盤很美，加上生日字句，令人外開心。

放假老友約新蒲崗《窩子》嘆cafe食窩夫&甜品，餐廳環境懷舊氣氛濃厚，人氣高要排隊等5分鐘。 我們點左 手製牛肉漢堡窩夫： 漢堡牛肉扒味香濃多汁，窩夫🧇鬆脆可口，煎蛋香滑，配菜新鮮嫩綠，美味好好食。 焦糖洋蔥黑椒牛柳粒酥皮薄餅 酥皮薄餅牛油味香非常鬆化可口，牛柳粒腍滑、洋蔥🧅黑召、焦糖口感豐富。 椰香紅豆麻糬窩夫配雲呢拿雪糕： 雪糕味濃郁，麻糬窩夫煙韌粉糯，紅豆香甜美味。 焦糖香蕉配雲呢拿雪糕：脆糖香蕉好食，雪糕美味。 髒髒提拉米蘇：賣相靚靚，朱古力味濃很滑，手指餅脆脆配咖啡提升美味。 朱古力鮮奶咖啡：味道香濃。 京都乳治抹茶鮮奶：拉花靚味道不錯。 窩子 新蒲崗仁愛街36號地舖

餐廳望落好有歲月嘅感覺，好懷舊🤣入面位置都唔算多，好彩個日6點幾去到都仲有枱🙂‍↕️ 👉🏻叄重朱古力麻糬窩夫配朱古力雪糕 $84✨ 本身以為係外脆內軟，外面係窩夫入面放麻糬咁樣👀點知佢係成舊麻糬攞去整窩夫🤣窩夫煙靭有咬口，每一啖都有滿滿既朱古力！佢用嘅朱古力係榛子朱古力，所以係比較偏甜少少🤏🏻 成份甜品全部都係朱！古！力！果然冇辜負佢個名🤣雪糕上面淋滿朱古力碎，朱古力醬，連隔離嘅蛋卷都係朱古力😆真係好正 👉🏻自家製野菌忌廉汁松露油曲曲意粉 $102✨ 意粉硬身，有咬口😋份量雖然唔算好多，但都夠飽，菇份量多，唔會得幾粒👀忌廉汁creamy，意粉食到啖啖松露味，唔會好濃烈，唔會遮住忌廉味🙂‍↕️味道調味適中，唔會太咸或太淡，食到尾都唔會厭，整體味道和諧😋 👉🏻慢煮三文魚意大利飯 $138✨ 每一啖都係濃濃既芝士同忌廉！用匙羹潷起已經見到拉緊絲😆成個飯聞落好香，三文魚好嫩，煎既熟度啱啱好，一分開魚肉就有魚油流落飯到，加埋一齊一啖落口，豐富嘅層次感🙂‍↕️本身擔心食到一半會開始滯，但上面嘅檸檬係神來之筆，檸檬汁瞬間平衡成個飯既濃郁感，味道更加清新🫨 👉🏻凍鮮奶朱古力 $48✨ 朱古力奶香滑順口，味道香甜可口，朱古力同鮮奶既比例恰到好處，但朱古力苦味可以再濃D，咁成杯嘢就更加出色 👉🏻熱情果手搖冰茶 $48✨ 呢杯冇特別，可以唔使試🫢一樣價錢可以有更加好嘅選擇。佢同我飲開既熱情果味道好似有啲唔同，熱情果味唔夠，冰茶亦溝淡咗佢嘅味道