一個價錢包火鍋，炸物及日本小食，聽到都已經覺得好吸引，於是帶埋媽咪去試新嘢：稻八日式火鍋炸物放題。 我們選了200日澳洲穀飼牛肉放題配味噌芝麻豆乳湯，湯裹有很多昆布，好有日本feel 。 我同媽咪都係極愛食牛肉嘅， 美國特級牛頸肩肉真係油脂均勻，肉味濃郁， 另外特級美國穀飼牛肉質嫩滑，色澤鮮明， 不經不覺每款都encore咗四次。 還有白豚肉，羊肉及日本北海道雞片屬新鮮食材。 接著嘗試炸物自助區有虎蝦，魚蛋，燒賣，茄子，秋葵，廚師腸和蕃薯仔， 第一次點粉漿放麵包糠去油炸，完成後再灑調味粉， 真係新奇好玩，最重要係味道不錯，值得一試。 食住雪糕糯米糍等日本小食， 有牛肉薯餅，南瓜薯餅，一口芝士，吉列蠔，唐揚魷魚咀，日式餃子，八爪魚丸子，芝士年糕，燒餅和吉列帆立貝十款。 我同媽咪比較喜愛牛肉薯餅及南瓜薯餅，真係外面鬆脆內裏軟熟， 另外唐揚魷魚嘴都好特別有口感。 坦白講已經係覺得好飽肚，但係見隔離枱刺身都好新鮮，而且用保鮮紙夾住冰塊，較為有心思和清潔，下次要再嚟就會點較貴嘅套餐可以食下刺身同埋海鮮盛合。

有时候都会有懒既一刻，好想打边炉，又唔想去太远，近近地我地去左大埔稻八打边炉。 放题价钱由$228-$438 ，我地点了200日澳洲谷饲牛肉放题$298，而且以家餐厅庆祝6周年，星期一至日惠顾任何放题包任饮啤酒、清酒及梅酒，超级抵。 餐厅全部都系自助式，自助吧多达二十多款配料可以选择，除了配料亦有沙律、甜品、饮品、雪糕、十款日式小食，无限任饮任食。 汤底有八款选择，我地简左北海道3.7牛乳牛骨汤。 一坐底，侍应好快送上日式北海道鸡片、白豚肉、美国特级牛颈脊肉、特级美国谷饲牛，200日澳洲谷饲牛肉，每款肉类都切得厚薄适中，其中200日澳洲谷饲牛肉切得大大片，牛肉味浓，好软腍，encore 左好多盘。 日式小食放题有十多款，我地点了几款 吉列帆立贝、日本一口芝士、日式饺子、唐扬鱿鱼咀，新鲜热辣辣炸起，炸得刚刚好。 炸物区自己炸物自己炸，已经串好一串串，沾上粉浆，再沾上米糠，再放入去炸就得啦，最后炸完可加不同调味粉，好玩又好食。 打完边炉，当然要食甜品同雪糕，好钟意以到雪糕细细粒细细杯，可以食多几款。 最后埋完单，会每人送一杯意式雪糕。

同朋友即兴去稻八日式火锅炸物放题打边炉，餐厅位于大埔旧墟直街4-20号美新大厦地下A2号铺，由太和火车站步行约5分钟左右到达。 餐厅有5款放题可以选择，我地简左中等价钱$298 200日澳洲谷饲牛肉放题，120分钟放题任饮任食，火锅配料多达20–30款、日式小食、炸物放题、沙律、甜品、饮品除左有纸包和罐装饮品外，以家有期间限定庆祝餐厅6周年，星期一至日惠顾任何放题包任饮啤酒、清酒、梅酒，非常吸引又抵食。 北海道3.7牛乳牛骨汤，汤底呈奶白色，味道好浓郁，唔会愈食愈淡。 侍应好快送上猪肉、羊肉、手切牛、鸡肉和200日澳洲谷饲牛肉，牛魔王既我地encore 得最多200日澳洲谷饲牛肉，牛味浓郁，大大片摆落口，啖啖肉非常滋味，除左肉类，虾滑和墨鱼滑都必食，好入味，爽口弹牙。 除左火锅放题，以到最有特色就系炸物放题，炸物区有十多款食物可以选择，已经串好一串串，简单又易整，最欣赏以到既油唔会周围弹，好玩又好食。 任食日式小食，由于我地食得太饱，所以只点了几款，日式小食即叫即炸，送到上黎都仲系热辣辣。 最后我地食埋甜品和雪糕，为边炉画上完美句号。