上菜甜品慢的一，普普通通非常普普通通

愛貓人士必去的糖水店 有兩隻貓店長 陪你一齊食糖水 貓店長阿旺 超嗲超親人 令糖水甜上加甜 「朱古力心太軟」 -可以自選兩款不同味雪糕 心太軟切開即刻流心！朱古力味超濃郁 外層微脆入面軟滑 甜而不膩～ 夾埋曲奇同芒果雪糕凍食冰火交融 邪惡到極但真心滿足 「紅豆沙」 -紅豆沙煲到起晒沙！甜度啱啱好，陳皮香好出 仲有啲蓮子夠粉糯～熱辣辣食好暖胃，傳統糖水果然穩陣 「芝麻湖+芝麻湯圓」 -芝麻糊磨得超滑溜，濃郁芝麻香唔會苦，甜度剛好！ 湯圓皮薄餡多，流心芝麻餡爆出嚟勁滿足 「爆芒」 -芒果布甸滑嘟嘟，配上新鮮芒果同金柚肉 爆爆珠同寒天粒咬落啵啵聲好過癮！ 小丸子煙韌，芒果汁甜而不膩，再加埋芒果雪糕 口感同味道層次爆燈，芒果控必嗌！ 「芒滋枝」 -芒果布甸滑溜香甜，新鮮芒果肉多汁 金柚微酸好開胃！小丸子煙韌，西米露咬口十足 淋上濃郁芒果汁成碗冰涼透心