【寻味新兴乡野农庄：鸡有鸡味，鱼有鱼鲜】 开车去新兴天露山玩，专程去朋友之前狂推嘅长隆农庄 。呢度真系 农庄 到冇得再农——冇华丽招牌，就喺一片菜田边间，几张圆枱竹凳，仲就系呢种乡土气息，先藏得住最原始嘅美味。 第一味蒸走地鸡，简单到只系用虫草花云耳铺面清蒸。但一入口就知分别：鸡皮又薄又爽，鸡肉结实唔韧，鸡味浓到好似返咗去细路仔时阿嫲屋企拜神隻鸡！最精华系碟底啲鸡汁，清甜到唔舍得浪费，即刻叫多碗白饭捞汁。 跟住上嘅紫苏炒生坑螺镬气十足。生坑螺个头细细，但肉质爽甜，用紫苏、蒜头、豆豉同辣椒大火爆炒，香味隔成条村都闻到。啜螺肉要讲技巧：一啜一挑，螺肉连埋紫苏豉汁一齐入口，鲜、辣、香同时爆发，食到完全停唔口，枱面好快就堆满螺壳小山。 蒸鱼用嘅系农庄鱼塘即捞即劏嘅鱼。鱼肉厚身，食落好鲜甜。呢d纯天然嘅餸最适合我哋呢d要开始养生嘅新中年架啦 压轴系鱼骨芫茜汤，用番蒸鱼起出嘅鱼头鱼骨，加埋大把本地芫茜、豆腐同姜片滚成。奶白色嘅汤头，饮落一啲腥味都冇，反而系芫茜嘅清香同鱼嘅鲜甜完美结合。食完浓味餸菜，饮番碗热汤，成个人即刻舒畅晒。 五个人食到捧住个肚，埋单人均先七十零蚊。走嘅时候，老板仲送咗几个自己种嘅园碌碌嘅木瓜，d木瓜简直甜到爆炸！ 呢餐饭冇花巧摆盘，但食材嘅新鲜同师傅对火候嘅尊重，令每道菜都食到食物本身嘅灵魂。城市人成日讲 鸡有鸡味 ，嚟到呢度，你先会真正明白呢句话嘅意思。

来这好山好水的宝地，最不能错过的就是当地地道农家菜！老板简直是厨艺高手，每道菜都带着十足锅气，份量足。不管是硬菜还是清爽青菜，都好吃到戳中味蕾 —— 青菜有股天然的清甜，每道菜都巨下饭，我们 10 个人直接吃到扶墙出！照片都是苹果原相机直出，颜值和味道双在线～而且店就在路边，好找还好停车，还有包间，聚餐选这儿准没错

菜都很清淡，鱼很新鲜，一鱼两吃，鱼汤不错。野菜汤不好喝