❣️荃灣貓奴必去！$118任歎咖啡同主子玩足全日❣️ 今次同朋友去咗荃灣 貓之茶房 放空🐈真係正到爆！一推門已經有十幾隻貓主子坐鎮，有啲懶洋洋瞓緊覺，有啲高傲咁巡視地盤🐈‍⬛仲有啲貪玩貓會主動黐過嚟討摸摸，真係心都融化晒🥰 我同朋友揀咗$58玩一小時[爱心]我叫咗杯Mocha咖啡香濃得嚟唔會太苦，朋友飲Q00果汁清新解渴。至於甜品呢，佢個朱古力松露蛋糕濃郁滑溜，我件藍莓芝士蛋糕酸甜平衡，兩件都勁有水準[调皮] 重點係可以一路食一路睇住貓貓跳上跳落，有時仲會經過你腳邊 巡邏 ，真係治癒到不得了😌 場內仲有免費茶水、棋類玩，我同朋友玩咗陣UNO，啲貓居然走過嚟 監場 ，笑死我！環境乾淨冇異味，貓貓全部都肥嘟嘟好健康，睇得出店主好有心機照顧🤗 如果你同我一樣係貓控，呢度絕對係假日Hea首選🙌🏻 💟 貓之茶房(荃灣店) 📍荃灣眾安街110號1樓

我本身都幾中意貓，間唔中都會去貓café同D貓玩下，今次就去左荃灣貓之茶房玩。收費係以每小時計，入面有少量輕食同飲品，最重要就當然係主角 – 貓，目測有幾十隻，純種、家貓都有，每一隻都各有性格，仲有唔同嘅告示同相簿比大家認識每一隻貓嘅性格同埋遭遇，大部份貓都係比人遺棄或者領養返嚟。 感覺店舖都好錫D貓，每隻貓都打理得好好，而且空間夠大可以比佢地周圍走，亦都有特別照顧一D輕微病痛嘅貓，衛生情況都相當理想。入面輕食都唔貴，蛋糕、三文治、義賣嘅曲奇只係十幾蚊一份，相當良心。 除左玩貓，café都有好多書、漫畫、board game比大家可以消磨時間，亦都有免費尿袋可以租借。 咁大地方，又有咁多隻貓，如果你都係愛貓之人，就要過嚟玩下啦！ 貓之茶房 荃灣眾安街108-110號一樓

蛋糕跟咖啡的味道很好😛而且很有很多可爱的小猫🐱很主动🐱走来走去😋很好玩