墩和呢邊真係好撚多嘢食，但多數都唔會係本地嘢，麻辣燙，隆江豬腳飯，普寧腸粉，酸菜魚係呢一邊嘅主打，而本地嘢就只剩獨孤一味燒臘，可惜嘅係，咪以為做燒臘就一定係本地人，分分鐘個老細係講撈話。粵菜係呢度居然被山寨到咁，真係可悲！ 呢間海記標榜化州菜，我冇試過化州嘢，所以唔敢評論化州美食，但起碼都係廣東嘢。 老細識講粵語嘅，態度都幾好！店面簡陋，環境衛生祗能用眼不見為乾淨形容算啦。 門口位掛住燒鴨，白切雞，燒雞，快餐小炒，仲有宜家時興嘅炸五花肉，吊佢老味，真係睇見都漏同重口味！而d小炒冇咩揀，只有蒸魚，煎蛋，類似芹菜紅蘿蔔炒肉片，薯仔燜排骨呢一類，通通都唔係我嘅菜，所以穩陣起見，嚟個20大洋嘅燒鴨拼白切雞。 燒鴨拼白切雞，墊底嘅係炒大豆芽，都幾爽口。燒鴨好咸，皮就咪旨意會脆，起碼唔算難食，係咸咗d。白切雞可以，雞肉結實，d雞皮都爽嘅。 總體味道不過不失啦，環境有d堪憂！可能外賣會好d。冇選擇嘅話可以試下。

快餐式的，喜欢吃白切鸡饭，还可以

快餐店，同事偶尔会去叫这家外卖吃