出得街多食得多味精嘢,間唔中真係需要俾身體休息下,排吓毒或者吸收番啲有益啲嘅營養,尤其是貪靚嘅女士,瘦身健身中嘅女士添~!我就係其中嘅一份子喇mad仲要係比較懶嗰種[笑哭]唔會專登自己預備便當嘅,捱貴小小都要出嚟幫襯Pret A Manger喇。餐廳名稱「Pret a Manger」係由法文「prêt à manger」而嚟,英文翻譯為「ready to eat」,意思即係「即刻食用」咁解,除咗呢個速食嘅好處之外,佢哋仲係標榜食材天然,用料新鮮,唔會隔夜,所以價錢相對地都會貴啲啲,但確實係有質素嘅話,我相信好多客人都唔會介意smile 今日清心寡慾,一於整番個chopstickPret Protein Box再加杯chopstickCoconut Latte,享受一番。 千祈唔好以為,有益嘅嘢就一定唔好味,顧名思義,chopstickProtein Box嘅意思即係食材主要為身體提供蛋白質來源,裡面有雞肉、牛油果、花椰菜苗、雞蛋、檸檬、什籽仁、什生菜,再配上墨西哥香辣沙律汁,不過愈嚟愈注重健康嘅我,近呢幾年食嘢免得過都唔會點醬汁,淨係食佢呢個沙律已經夠覺得津津有味喇,因為真係全部食材夠哂新鮮,原汁原味,天然又健康。就咁食一份已經含有304卡路里,當中仲可以吸收到高達23.5克嘅蛋白質,真係啱哂成日做gym嘅我呀~~~like 食完份沙律之後,再品嚐呢杯chopstickCoconut Latte(有機椰子米奶咖啡),用真正有機咖啡豆同埋有機椰子米奶製造,入口香甜,佢仲係無奶製品,連素者都適合架
More