真系童年回忆，一谂起美式菜就谂起佢，今晚黎到呢间分店，同友人黎个回忆杀。 未入用餐区，可以系呢度黎个Happy Hour先。 柔和灯光，全店已有圣诞装饰，更加美式，被安排于卡座，坐得相当舒适。 除咗散叫，仲有几款套餐，尤其呢个都几抵食。 落完单后，侍应熟练嘅手势及速度，为我们送上迎客面饱篮，三款唔同口味嘅餐饱，配以草苺牛油，仲有有果仁碎嘅松饼，对于我呢D淀粉控，表现出心心眼。 前菜有周打蚬肉汤/招牌西泽沙律二选一。见到有面饱，就自不然选择要汤。 质感浓稠，食到海鲜粒，热度甚有，惊喜位连个碗碟都系热，饮到尾啖汤都系热，赞。 叫多个脆炸磨菇 ($98)，快快手趁热食。 炸浆再薄身D会仲好，外脆内仍然食到菇嘅香软质感，仲带点湿润度，唔系变干架，点埋个特色酱汁食，用黎送冻饮一流。 未食完个炸菇，主菜已陆续上枱。先有手撕慢烤BB猪肉汉堡 ($258)，跟埋黄金拍檔炸薯条。 饱面光滑，底部系轻轻烘至微脆。 成个汉堡材料由上至下分成；将烤猪排骨肉去骨手撕成肉丝，紫洋葱，芝士，牛肉汉堡 (咬落仍带肉汁，唔系一咬就会粉碎，仲食到烧烤香味)及生菜。酱汁方面系用烧烤汁，成个汉堡系好味嘅。 炭烧封门牛柳 ($368)，份量有8安士，配埋薯条，有齐盐及芥末点配牛柳。 熟度要Medium，已切好一件件，轻松用叉食已可以。 个人觉得已够味，加少少芥末再调一调个肉味已经好好食。无多余脂肪，入口超嫩滑， 系今餐嘅MVP。 甜品三选一，分别要咗自家制奶酪 (芒果味)。口感香滑，加埋酸甜嘅芒果酱汁，几好味喎。 另一款系纽约芝士蛋糕，就系钟意食佢嘅浓厚芝士味，份量适中，食完岩岩好。 无限用餐交枱时间，可以慢慢食，慢慢倾。

長期友善的美式餐廳 餐廳要保持著快樂和階的氣氛主要來自店主和員工之間友好關係，有悠久歷史在香港的美國餐廳就具備這條件。 飲品特別份量大，菊花、伯爵茶以大茶壺呈上，飲香味甘，份量足以令你精神起來。 薯皮 薯皮香脆，配搭濃芝士和肉碎，特別香氣四溢！ 甜品雜盤 適合大伙朋友下午茶聚會，雜盤內有brownies, 朱古力草莓、杏仁餅和焦糖布甸，感覺充滿濃厚節日氣氛，吃起來快樂和休閑。