🐘Green Thai（大本型店）开张已久，一直都没去，一是之前没有早餐供应，二是泰国菜不是十分感兴趣。 🌈某日行过忽然睇到新增早餐供应，[愉快]，一于入黎试试，早餐款式很大路化，普通常餐，沙爹牛肉面，扎肉粉，搭配炒蛋🥚+咖啡☕，出品还算过得去，坐得舒服，人少安静，唔使惊要等位[比心]，价钱也相宜，可以再来。

假日去左油塘行山，行完返到黎大本型搵晚餐食就食左呢間泰國菜，味道基本上都幾好，但上菜速度可能爆場關係特別慢，叫左4碟野但平均每10分鐘上一碟餸！ 「油酥饼」 $34 就係喺餐廳嘅櫥窗見到廚師親自整啲薄餅，令到我特別想食，口感非常鬆脆。 「泰式青咖哩 牛」 $88 整體上泰式青咖哩個醬汁調味得非常好食，但千祈唔好叫牛，因為非常之難咬，好似咬緊香口膠，醬汁90分，牛0分。 「馬拉盞炒芥蘭」 $70 70蚊既份量略嫌佢有點細碟，但係整體味道都唔錯，馬拉盞好惹味！ 「香辣肉碎炒河粉」 $88 見到呢間餐廳嘅炒粉麵飯都比較大碟，所以幾抵食， 炒河都炒得份外有鍋氣，唔錯。 環境方面因為坐咗喺餐廳外面、商場範圍內，冷氣唔夠大，會有啲熱，所以都坐得唔太舒服。 總括而言，整間餐廳算係合理價格嘅泰國菜，另外需要加一服務費。 Green Thai 油塘高超道38號大本型1樓115號舖