過來西灣河辦事，順便過來速戰速決吃午飯 大家紛紛議論現在亂哄哄的局勢，一邊享用這典型茶餐廳的中式快餐。 快是最大特色、快入，快坐，快點快下單，快上菜，整個過程一氣呵成，連貫暢通，不需3分鐘！ 最後吃用了5分鐘，搞定了湯，火腩支竹飯，檸檬茶。 份量驚人，性價比高，效率更高！

街坊生意，服務熱誠，態度 [强]，讓客人有賓至如歸 … 吃住家飯的感覺 [爱心] 無論早餐、午餐、下午茶 或 晚市小菜都值得推介。

星期日終於可以訓到自然醒，訓到十一點幾先起身，換埋衫果啲已經無早茶飲，好彩屋企附近間錦川早餐時段去到十二點。 去到餐廳岩岩好11:55am，餐廳坐滿人，所以要搭枱坐，大部分人都食緊早餐，只有少部分人食緊午餐。雖然全間餐廳得三個侍應，仲忙到踼晒腳，但佢地都仲好有效率同禮貌幫我落單[强]🏻。 我叫左個仿鮑魚絲火腿通粉，跟餐有火腿奄列同方包同咖啡。($33) 先黎杯咖啡，咖啡好有茶餐廳風味，夠香濃，又有奶香，唔駛加糖都可以。 再黎碗仿鮑魚火腿絲通粉，餐廳用舊式通粉，所以又軟又滑，但又唔會好林[强]🏻，火腿絲同仿鮑魚絲份量都算多，好抵食。 再黎碟火腿奄列同方包，奄列唔會太乾身，中間仲有少少滑蛋，火腿絲又多，奄列做得唔錯。方包就正正常常無乜特別，但我見搭枱對面加錢將方包變多士，有㶥底又有少少牛油係面，塊多士賣相好吸引，好似好好食咁，下次我會加錢試下。