放工同朋友係荃灣揾野食,見天氣涼左打邊爐就最適合,但朋友又想飲夜茶...點好呢?經過眾安街大鴻輝中心,見到12樓常滿百家菜任食火鍋+點心放題..正丫[色]就上去滿足下我地2個! 🤭🤭 有雞煲,魚鍋及多款湯底選擇,食材夠新鮮,有我最喜愛嘅肥牛,手打墨丸,鯪魚球夠彈牙,海蝦新鮮爽口!..推介要點鬼馬釀百花食...油炸鬼包住蝦膠食落有2種口感..更有大排檔式火鍋配料自助區,有成十多種火鍋配料任夾,蔬菜類都有7-8款任選!而熟食區有椒鹽豬扒,酥炸雞亦,生炒骨,女士大愛嘅豬腳姜等等任君選擇,還有甜品糖水!...可自行選擇自已喜愛火鍋食材及熟食[愉快]另有多款精美點心任點任食...蝦餃大大粒彈牙又爽口,懷舊馬拉糕蛋味濃夠軟熟,流心包軟綿綿,姜蔥牛柏葉夠入味,咸水角脆卜卜!還有啤酒氣水可任飲[啤酒]...最重要係不限時段,可三五知己食下傾下 chill下慢慢嘆!爽丫!!

素闻荃湾有好多好食既打边炉，今晚就同朋友去试下呢一间”常满”。 朋友不太想食鸡煲，刚巧见到有新出既鸳鸯汤底– 麻辣+酸菜白肉锅，店员姐姐在旁介绍话酸菜系由师傅自家制，而且无加醋精，麻辣锅方面可自行选择麻度同辣度，咁就即管试下呢个汤底，另外我地仲叫左细手切本地肥牛+黄金墨鱼丸+头竹心太软+乌冬。 首先黎既系头竹心太软，店员姐姐都解释得好详细同响铃既分别(不过我唔太记得了)，只系知道配以胡麻酱，不论是即食还是落汤都好好味，外脆内软的。 再来就是手打黄金墨鱼丸了，未食之前店员都有话我地知食既时候要小心D，因为墨鱼丸内酿有咸蛋黄，怕我地会烫口，虽然平时打边炉既时候食有芝心丸很常见，但这个丸确实令我觉得很有惊喜，因为一咬落去就FEEL到有满满既咸蛋黄涌出黎了，真系一不小心就会辣亲。 最后本地肥牛配以乌冬一齐食去画上完美既句号。 P.S:​不得不赞的是店员姐姐，服务真的很好，每次她上菜的时候都会跟我们详细说明每一款配料需注意的地方。

荃湾打边炉见到间餐厅叫常满，餐厅非常多人， 真系名副其实。人多就去试。 虽然冇咩太大特别，但价钱大众化，不太昂贵。食完鸡煲就可以食火锅，而且可以选择火锅汤底，当你食完鸡煲，餐厅职员会帮你换过另一锅比你打边炉。 餐厅有提供海鲜拼盘，海鲜大大只，有扇贝同虎虾。一人一只唔洗抢。 仲有鸵鸟肉食，可以一试，嫩绵绵，又快熟。 啤酒$10大支装