香港街头小食 ※ 咖喱鱼蛋 吃——是我的最大嗜好！！ 从小就爱吃！ 学生时代，最期待放学后，吃街头小食！ 学校不容许穿着校服，在街边吃小食，我都是买外卖回家吃的！ 芸芸街头小食中，咖喱鱼蛋在我心中排名第一！转眼人到中年，仍会时不时买咖喱鱼蛋吃，满满的童年回忆！ 美孚广场内的包饺店，是距离我家最近的鱼蛋铺，之前(2019年1月)写过点评，当时只给⭐！今次可给⭐⭐⭐！ 原因：换老闆了！ 咖喱鱼蛋比以前好吃！尤其是辣的！ 连续2个周末来买，港币10元9粒 (图1)，港币15元15粒 (图2) 总体评分：⭐⭐⭐

间中都会黎呢度买下野食，返工顺路又有时间咪买下罗，有时食下茶叶蛋（好一般无乜味），口痕买下台湾香肠（系咪真系台湾香肠？定台式香肠，哈哈），但食得最多都系肠粉同炒面。 佢有肠粉套餐，但个人觉得唔够食所以都系散叫，叫左四条肠粉加烧卖，早上卖野位姐姐态度都几好，可能十一点钟唔多人，见佢好好心机切肠粉，仲自动多酱，肠粉真系要多酱先好食，仲要齐甜，辣，花生酱先得。肠粉烟烟韧韧有咬口，无乜人买都无蒸到烂喎，烧卖软绵绵正呀，虽然无粉岭名店咁平，但呢度都好食呀。 炒面都系成日叫，但基本上都系麻麻地，完全无进步嘅乾柴炒面，无料加上太乾身，所以通常加辣咖哩鱼蛋，等佢有返少少咖哩汁无咁乾，你话好难食又唔算，只系唔好食，哈哈，但无其他地方顺路又有卖都焗住要食嘅，好挂住街市啲用胶袋装嘅豉油皇炒面啊。 话时话，连续行过两个星期都无开门，系咪执左……定疫情影响暂时休业呢？佢门口又无贴纸，唔唔……

包餃店 🌝 時段：午市 👫 人數：1 💰 人均消費：$10起 😋 菜式：燒賣、腸粉、粉果、生菜魚肉 [色]詳細食評： 開頭一見到店名，直覺就係賣上海粉麵餃子果類。 原來呢度賣嘅係地道港式小食，同學生最愛嘅撈公仔麵/烏冬。#燒賣 食落唔係一舊粉、#腸粉 都幾滑、#粉果 就厚皮咗小小！#生菜魚肉 都唔錯幾彈牙同無腥味。其實呢類食物最緊要夠熱同醬料調味OK!呢兩様係做到要求嘅！