歲晚期間，很多餐廳都打烊，這店仍營業，於是進入，點了早餐，味道不錯，服務員招呼到位。

經過時看見熟悉街坊進入，於是進入食早餐順便與街坊聊聊，地方不算大，但座位多，進餐大部份是熟客，無特別的裝修，點了個A早餐，味道不錯，上餐快，份量足，服務員態度一般。

有日去葵涌搵個朋友，到晚飯時間佢帶左我去光輝圍搵野食，呢度有唔少小店，最後我地揀左呢間發記廚房撐檯腳！ 入到去侍應好快就招呼我倆坐左係卡位，全程都招呼得唔錯！我朋友話黎過幾次，就係覺得呢度Ｄ服務唔錯喎！ 講返食咩先！夜晚呢度有好多小菜客飯套餐，我倆決定叫兩個然後share食！佢先俾兩碗例湯我地，係蘿蔔豬骨湯，唔鹹又幾夠味！ 我叫左個xo醬炒西芹牛柳粒，好大碟，牛柳粒好入味，xo醬果種辣辣地既感覺好正！ 我朋友就叫左個瑤柱蛋白炒豆苗，都係好大碟，瑤柱比較乾身但一ｄ都無偷工減料，蛋白同菜充滿健康感覺，ｄ菜都好新鮮好嫩口！ 然後我地叫左杯凍檸茶同熱檸水，茶餐廳水準不過不失！