探秘香港老字号茶楼之十八,到八鄉茶樓感受下當地風情,兆利是上村总站的一間老字号茶樓,大排檔格局,不少老嘢帮襯！ 出品ok,基本老式點心都有,排骨几新鮮几多肉,入口亦几入味,好吃！大包外松软,内里魚肉奄春蛋馅多,也不错,兩笼野埋单四十多,不算貴！

相當傳統嘅鄉村茶樓，仲可以食到雞札，鮮竹卷，鵪鶉蛋燒賣呢啲，味道都幾好，有風味

今日難得唔使賭馬就同佢去行個大運先，佢提議去錦田一帶遊吓車河，印像中呢度都有好幾間茶檔，不過上次黎而又有坐低食野都恐防超過十年喇，今日好好回味吓先。 意外搵到呢間舊式茶樓重竟然有水吧，即刻嗌杯凍奶茶先，不過就同普通茶仔爭咁啲喇。 呢副爐具 long time no see.. 雖然個人對鵪鶉蛋燒賣無特別喜好亦都完全唔會話要掛念，不過冇見咁耐嘅嘢點都要嗌返一籠嘅。 蝦餃皮極厚，內餡亦都唔係好夠味，唯有點吓野啦。 又係一樣喺民間幾乎失傳嘅嘢，魚翅餃，即刻諗起周星星嘅唔似貓唔似狗師奶淫得很，個餃黎講呢就粉絲都唔係好搵到一條喇，都係豬肉餃一隻咁啦。 排骨醃得入味，肥多過瘦嘅比例亦都多數係舊式茶樓先會做，係就係邪惡啲，不過多肥真係滑好多㗎。 糯米雞汁多味濃，餡料方面除咗最常食到嘅肥豬肉，雞翼，臘腸同冬菇之外，最過癮係有塊火腩喺入面。