一间口味很正宗的泰式餐厅，每道菜都很有水准，想吃泰国菜这家是不错的选择👍🏼

久唔久就想去九龍城食泰國嘢，今次朋友都係揀咗小曼谷，佢實在太多款式而且價錢合理食物好食。 泰式拼盤(S) $178 每次嚟都必點，拼盤有齊四款，我實在太鍾意食蝦餅、魚餅、雞棗、春卷，沾上泰式酸辣醬，實在太好食。 曼谷夜市火山骨$38 餐廳星期一至五做緊唔同優惠，我哋星期三係呢個火山排骨，優惠價錢勁抵，都幾大碟有成四五條大排骨，肉都幾多，煮得肉質鬆化，配埋個惹味醬汁好正，唔會好辣好醒胃。 泰式鐵板蠔餅 $138 蠔餅用鐵板上熱辣辣，勁多蠔仔，粒粒飽滿脹卜卜肥美，蠔餅充滿蛋香，仲有大量爽脆芽菜，沾上辣醬更加惹味。 極上安格斯牛柳粒沙嗲串燒 $55 安格斯牛柳粒大大粒，口感好好，肉質鬆軟，沾上特調醬汁味道一流。 鐵板豬頸肉啫通菜（馬拉盞）$118 我好鍾意馬拉盞嘅香味，仲要用鐵板上，夠晒鑊氣，通菜爽脆，配上惹味豬頸肉好香。 泰式干炒豬肉片河 $98 呢個炒河就不過不失，正常發揮，唔算好油，材料都份量足。 蝦膏豬肉碎炒飯 $98 呢個飯都係正常，材料有蛋同埋一啲泰式臘腸，蝦膏味道如果再濃一啲會更加惹味。

去完泰国旅行一个月，好挂住泰国嘅味道。 今日同家人去九龙城食泰菜回味一下。我地叫咗好多嘢食，好丰富。 虾膏肉碎炒饭$98 炒得好有镬气，虾膏香气扑鼻，炒饭粒粒分明，肉碎炒得好香口，超惹味。 干炒泰式肉片河$98 又是另一镬气之作，河粉口感好好，不会炒到碎晒。 小食拼盘（小）$178 炸虾饼，炸鱼饼，春卷同鸡枣，样样齐，全部炸得金黄香脆可口，暂时放弃减肥。 曼谷夜市火山排骨$38 呢个系餐厅优惠，每日都有唔同嘅特价菜式，星期三就有呢个。真系同曼谷嘅夜市火山排骨一模一样，无论卖相同味道都系，就好似去咗曼谷夜市度食，肉质唔韧，汁酱微酸带辣。 极上安格斯牛柳粒（4粒）$55 烧得香口，牛柳粒嫩滑，牛味香。 铁板猪颈肉啫通菜$118 呢个好有镬气同惹味，猪颈肉香口爽滑，通菜爽口。 泰式蚝饼$138 第一次食泰式蚝饼，原来好足料，好多肥大蚝仔，好鲜甜，蚝饼煎得充满蛋香，而且好多芽菜，唔会太油腻，不错。 #九龙城美食 #香港美食 #香港必食 #香港探店 #香港打卡 #香港旅游 #香港必喝 #九龙城探店 #香港泰国菜 #香港好去处 #九龙城推荐食品