今晚唔想出街食饭，落咗楼下叫咗两个蒸饭外卖返屋企做晚餐，去咗小西湾街市入边嘅包点先生，点左一个凤爪排骨饭及章鱼鸡粒饭，包点先生嘅蒸饭一直都好有水准，个人来讲比较喜欢煎蛋牛肉饭，不过间中都要转下口味，今日点左个凤爪排骨饭，有少少辣，好醒胃；章鱼鸡粒饭味道比较淡，但配合甜豉油就出奇地好味

有好多自家整既豆浆（甜豆浆，无糖豆浆，黑豆浆），包点（奶黄包，菜肉包，腊肠卷，麻蓉包等），糕点如白糖糕等，睇到花多眼乱，仲有蒸饭添。好适合肚饿过黎食个热辣辣既包或者饭，唔使等好耐添。