平日都會經過葵涌廣場, 都要買埋早餐返屋企先食, 由於食到無咩新意同今日胃口又唔係幾好, 所以決定食素做早餐, 清一清都好 依間素菜店只做外賣, 平日我早上行過都會見到有唔少人排隊買早餐, 價錢都合理, 如果唔想食佢預設既早餐選擇, 都可以散買其他素食。 最後我同同事叫左一份炒米粉同一份素火腿通粉, 老闆娘好友善叫我地需唔需要加熱返個米粉, 當然熱食好食D, 返到公司打開, 賣相好清淡, 米粉味道似平時有連火腿配料炒既米粉差唔多味, 食落感覺上無咁油膩。而素火腿通粉味道淡口D, 唔濃味同無味精, 有種屋企既味道 整體上, 清清淡淡可以接受, 係早餐既新嘗試!