[米饭]口味：非常不错，食材很好 [薄荷]环境：有特色，但是老了 [服务铃]服务：可以，适度 [糖果]性价比：还可以，有10%服务费

朋友介紹我嚟呢間主題餐廳，特別有藝術氣息，就係凡高廚房，一入到餐廳就見到好多梵高嘅畫作，裝修得好有特色，環境令人好舒服，喺度食晚餐特別有情調。 今次同朋友嗌咗兩four-course set dinner。 前菜可以選擇意式煙三文魚沙律或者巴馬火腿沙律，所以我哋兩樣都試晒，煙三文魚唔會好鹹，魚香味好重，亦都好大塊；而Parma Ham有兩款，鹹香味好出，兩款沙律菜嘅配料都係一樣，除咗沙律菜仲有發達芝士、蕃茄仔等等，配料好新鮮。 餐湯方面，是日餐湯係南瓜湯，味道非常清甜濃郁，一飲難忘，另外仲可以加$38轉做野菌忌廉湯，呢個湯係餐廳嘅招牌菜式，係用咗98%嘅蘑菇製成，啖啖蘑菇嘅香味同埋口感，難怪做到招牌菜式。 主菜方面，第一樣就揀咗燒美國豬肋骨，店員話係攞過金獎，所以對佢都好大期望，點知一食真係好出色，尤其係個BBQ醬汁調得好好，好夾個豬肋骨，值得下次返嚟再encore！ 第二款主菜就揀咗火焰護心肉牛柳串，牛柳串用鐵枝送上，睇得出係即叫即燒，肉質真係非常嫩滑，一啲都唔嚡，粒粒都好大嚿，兩款主菜嘅配料都有西蘭花、粟米、炸得好好味嘅薯角等等，成份主菜都好出色！ 甜品方面，就有抹茶芝士餅同埋意式奶凍，欣賞餐廳製作甜品唔會太甜，但味道依然保持濃郁，由前菜到主菜到甜品嘅味道都非常令人滿意，真係唔可以錯過呢間又有特色又好味嘅餐廳！