壽司、串燒、海鮮樣樣正，一遊尖沙咀居酒屋！ 早前同老婆去食尖沙咀諾士佛臺呢間人氣居酒屋 一遊 ！餐廳裝修好有日本江戶時代嘅古樸風情，木系傢俬同柔和燈光，真係好似瞬間去咗日本咁，氣氛一流，好啱過嚟chill下 👀 坐低無耐，先嗌個八爪魚沙律同燒生蠔（北海道）開開胃。個沙律酸酸甜甜，八爪魚薄切好爽口。至於隻北海道生蠔，燒完都仲keep到超肥美，海水 & 芝士味好濃，正！😃👍🏻 壽司方面，師傅手勢唔錯，魚料好新鮮 & 鮮甜，飯嘅軟硬同醋味都調得啱啱好。我哋嗌咗幾款，我最鍾意係三文魚同吞拿魚蓉，魚油香滿溢。當然唔少得海膽，入口creamy鮮甜，超好味！ 😋 嚟到居酒屋，串燒一定係主角！ 鹽燒活鰻係驚喜，外層燒到脆卜卜，入面肉質鬆軟～ 豚肉車厘茄串 & 豚肉蘆筍都好出色，豚肉燒得啱啱好，唔會乾，車厘茄一咬爆汁，酸甜味同肉香超夾～ 牛舌就厚薄適中，簡單鹽燒已經好香口，有咬勁得嚟又唔韌 👍🏻 雞肉明太子 & 雞肉京蔥呢啲經典款都水準之上，明太子鹹香惹味，京蔥燒完好爽甜 [色] 食到咁上下，嗌個牛肉稻庭烏冬做主食。個烏冬係手打嘅，口感煙韌又幼滑，湯底清甜，正好中和一下串燒嘅濃味～ 最後，一定要讚下兩杯梳打！蜜桃梳打 & 海鹽荔枝梳打，生果味好天然，仲有好爽嘅氣泡，飲完成個人都涼透心，係完美嘅一餐總結 👏🏻 總括嚟講， 一遊 嘅食物高質，環境同服務都好好，係尖沙咀區內一個傾偈食好西嘅好地方，一定會再encore！ 餐廳：一遊 地址：香港尖沙咀諾士佛臺1號4樓

平时食刺身一定唔会叫八爪鱼，因为觉得冇乜味，啲肉又韧，但今次老公叫嘅八爪鱼沙律完全癫覆咗我对八爪鱼刺嘅印象。呢度嘅八爪鱼沙律加入咗微酸嘅酱汁，而且八爪鱼刺身切得好薄，食落去一啲都唔韧，而且非常开胃！ 嚟自北海道嘅生蚝真系又鲜甜又肥美！师傅喺生蚝上面加咗类似沙律酱嘅酱汁，然后拎去烧，一咬落去咇晒啲汁出嚟，趁热食最好食！ 串烧都劲正！呢度点咗盐烧活鳗、豚肉车厘茄串、豚肉芦笋、牛舌、鸡肉明太子同鸡肉京葱。我最钟意豚肉车厘茄串、牛舌同鸡肉明太子。用豚肉包住车厘茄，可以减低豚肉嘅油腻感，味道同口感非常平衡。牛舌好香，好惹味；另外喺鸡肉上面加入咸香味重嘅明太子，就令到软嫩嘅鸡肉层次更丰富，好推介。 寿司好新鲜！当中我哋最钟意嘅系拖罗鱼蓉寿司、海胆寿司、带子寿司、三文鱼寿司同赤身寿司。海胆寿司同带子寿司都超级鲜甜！三文鱼寿司油脂分布刚好，够肥美；赤身寿司好有惊喜，鲜甜又冇筋，食落去口感好好，证明师傅有用心拣过每个刺身嘅部位。 牛肉稻庭乌冬连个汤底都好好饮。唔单止乌冬够晒弹牙，就连汤底都带有清甜味，一路食就一路忍唔住饮埋啲汤。 海盐荔枝梳打同蜜桃梳打都唔会好甜，饮得出唔系就咁落果味糖浆冲。海盐荔枝梳打入面有荔枝椰果；而蜜桃梳打就有蜜桃果肉。虽然我哋冇饮酒，但呢两杯梳打，都几夹串烧。

这家海胆做的真的很好吃，海胆吞拿鱼丼饭，软壳蟹沙律，厨师推介十贯，点的这三个都非常好，生鱼都非常新鲜。 环境打造东瀛风，暗色调，实际上比照片更昏暗一点，适合午憩和情侣约会，也有上班族中午来吃定食。价格合理