好耐冇食過韓國嘢，放工走咗去韓國街食，呢一間見到佢晚市都有做套餐，好似幾抵咁，就入去食咗。 我哋點完嘢食之後店員就送上前菜，有5款咁多，好豐富。 燒肉套餐有牛同埋豬嘅選擇，我哋就梗係揀咗牛啦。套餐包咗一個燒肉，兩個主食，其實兩個人都夠飽，不過我哋就好大食，叫多咗個飯卷。我哋揀咗個板腱肉，都幾大碟，牛肉顏色都幾靚，雖然食落去唔係太多油脂，但係口感都唔會話好靭。我哋燒得朝朝香香，然後沾上燒肉醬汁，配上泡菜，再用生菜包住食，味道一流。 辣海鮮豆腐湯 呢個湯估唔到佢又幾鮮味，唔會太辣，有啲蜆、各款蔬菜、雞蛋，仲有唔少得大大嚿嫩滑豆腐。所有嘢都入晒未，夜魅得來又鮮甜，我哋成鍋湯飲晒。 石鍋拌飯 呢個石鍋拌飯簡直係我哋食韓國嘢必食，熱辣辣嘅石鍋令到啲飯有少少微微焦香，個底仲有少少飯焦，而且材料好豐富，除咗有牛肉、仲有唔同顏色嘅蔬菜、紫菜同埋蛋，加入韓式辣醬拌飯，冇得輸。 紫菜包飯 個紫菜包飯又係簡單得來超好食，飯粒煙靭煙靭，用紫菜包住。飯卷裏面有腸仔、蔬菜同埋蛋，色彩繽紛。

行過金巴利道燈火通明嘅轉角 呢間由2001年堅守至今嘅韓食原祖 廿幾年黎目標客戶都係打工仔 所以唔單止價錢親民到笑 𠵱家仲要推出一系列著數優惠 「烤牛肉飯」 -醃到甜滋滋既牛肉 好嫩滑唔韌 泡菜酸辣醒胃、醃蘿蔔爽脆、菠菜麻油香突出 仲有碗海帶湯解膩 「烤牛肉紫菜飯卷」 -烤牛肉醃得甜香，同爽脆青瓜胡蘿蔔形成絕配！ 面頭灑咗啲芝麻更加香口。每件都捲得實淨唔會散 「純豆腐海鮮湯」 -滾燙嘅湯底藏住超滑嫩豆腐湯汁辣中帶鮮 用匙羹一舀就見到滿滿蜆肉、爽彈蝦仁同魷魚 「香辣豬肉紫菜飯卷」 -火辣辣嘅豬肉辣醬夠惹味但唔嗆喉 夾住脆口蘿蔔絲同雞蛋絲平衡返

餐廳非常之寬敞 午市時段坐滿曬人 主要都係年青人 午市套餐係 大份夾抵食 單人 / 一班人聚會都適合 韓國餐廳 必備小菜：泡菜芽菜薄餅 🍚 漢城炒年糕 雜菜好爽好吸味 個汁唔會太濃 剛剛好 剛好隔離幾枱都有嗌 🍚 韓式牛肉炒粉絲 個味道勁香 非常足料勁大碟 又係所有配菜都吸曬了 粉絲偏軟身 好易咬 🍚 蜜糖蒜蓉炸雞 非常香脆 蒜蓉配蜜糖味道都幾夾 🍚 甜辣雞翼 連肉質都入曬味 仲有勁多款唔同味道嘅雞 餐牌種類選擇非常之多 仲有好多想試 #eatfatkeepfat #foodie #hk #hkfood #hkfoodieblogger #食在那就胖在那 #香港豚美食 #香港美食推介 #香港美食指南 #香港探店 #美食分享 #尖沙咀美食 #尖沙咀 #韓國菜 #炸雞 #漢城美食