《又有新雪糕🍦超靚粉紅色雪糕批💖》 天氣涼咗都冇咗草根食雪糕嘅興致，要食梗係食新野，見Circle K有5款雪糕新登場，今次就先試住2款先😌🤘🏻 📍樂飛利唇印黑朱古力雪糕批（$20） 呢款雪糕喺韓國直送🇰🇷，雪糕批上有個紅唇印💋，黑朱古力外層再包住朱古力雪糕，唔會過甜，好濃朱古力味，但質感比較稀啲。 . 📍 Magnum紅寶石朱古力雪糕批（$28） 呢款就英國製造🇬🇧，但係佢完全因為俾個包裝吸引，睇落好矜貴[色]。 粉紅色嘅外層係無添加色素嘅紅寶石朱古力🍫💗，帶有微微嘅酸味。而中間係好creamy嘅雲呢拿雪糕🍦，口感好幼滑，不過價錢就價啲。 . 另外仲有#日本直送 🇯🇵嘅北海道雪糕之家早晨鮮榨牛奶/十勝紅豆/忌廉芝士雪糕杯🍨。話說上年嘅呢個時候，草根就去咗北海道旅行🧳，而家冇得去🥺番嚟懷念下都好。

《超吸引！美國直送新口味甜筒 🍦🍫》 不得了竟然比草根喺CircleK發現兩款超吸引嘅新口味雪糕⚠️ 難得仲有貨當然要買返嚟試一試 . 📍SNICKERS甜筒雪糕/M&M’s甜筒雪糕（$25） 兩款甜筒都寫住係美國直送🇺🇸 而且仲係OK 獨家發售，喺第二間都搵唔到嫁[色] M&M’s個款頂層有一粒粒M&M’s朱古力 下面配上軟滑嘅雲呢拿雪糕🍨 而SNICKERS個款就係佢條chocolate bar嘅變奏版，不過食落就冇咁甜 上層鋪滿花生粒同朱古力🥜🍫 下面係花生味雪糕再加上SNICKERS嘅招牌焦糖醬💛 食落幾香甜，又唔會膩😋🤟🏻 兩支都唔係伏，起碼有原材料嘅影子 試得過呀😆[爱心] . 除咗甜筒，另外仲有M&M’s 曲奇三文治雪糕，兩塊M&M’s 曲奇夾住舊雪糕🍪，睇落同樣好吸引[色] . 俾錢時見到雪櫃仲有新出嘅潛艇同奶茶，蜜味豬腩潛艇同黑椒牛肉潛艇🥖，兩款都有夾住芝士，睇落都幾足料🥰。下次早餐就一於試佢哋啦！