环境就好一般，入边得几张枱，而且好窄，但卫生好乾净，好整洁的。 服务亦很好，热情接待。指引我点菜落单，上菜有点慢，因爲我点了片头是要经过炸的。 呢间係做了20几年的老字号，车仔麵档都係做街坊生意，味道非常之稳定，出品也好好，食材也很新鲜，值得推荐俾大家。

住係小西灣有十幾年 講到最好食既店..一定係宏德車仔麵! 本人熱愛車仔麵...講到出名果2間車仔麵係灣仔既我都試過! 其他地方都試唔少... 但係我講得呢度最好味!lol 幫襯左十幾年...以前一款4蚊...係一律4蚊.. 最近呢幾年先加左5蚊...冇計啦..人地出面加到7,8蚊...佢都係一律5蚊咋 癈話少講 呢度麵款都好多選擇 除左粗麵,幼麵,米線我都食過.好OK! 可以揀米線,米粉,河粉,烏冬,粗麵,幼麵,油麵..全部5蚊~ 配料就更多選擇!又平又好味~ 本人每次黎都必點以下幾款: 1.蘿白$5 全部都好鮮甜,唔會硬身,稔得黎爽!個人覺得岩岩好~唔會有根..每朝新鮮刨完浸一段時間先出~所以太早係冇得食既~ 2.炸豬扒 好味~5蚊一塊~邊到搵...唔肥~炸完都好JUICY嫁~ 3.炸龍蝦丸 真係唔講你唔知,以前係唔炸的,因為成日黎同老細都幾熟,我會私底下叫佢炸上,於是1年後...佢就改做炸龍蝦丸喇~落湯都唔會稔哂~ 4.炸腐皮卷 呢個又係必叫的...其實呢間野既炸物真係唔錯~ 5.炸蝦條 呢個同之前果個有D似...通常叫左4就唔叫5...叫5就唔叫4... 炸物通常要等耐D...佢知你要炸會先叫定炸左先...唔洗你等咁耐.. 因為呢間店好多街坊買外賣返屋企食嫁 最最最最緊要係多辣!!!佢既秘製沙嗲醬好好味!!!!!!!!!!!比灣仔車仔麵之家類同,但更出色~ 所以記得落,如果唔食得辣叫小辣丫~因為唔落個湯本身冇咩味.. 小心遲黎有多款配料可能沽清呀!!tongue 要講車仔麵.最好食既係小西灣宏德、灣仔嘉鳳(懷舊風味)、銅鑼灣榮記粉麵! 真係食極都唔厭呢~