路过上环 一于揾下啲香港地道美食～ 午餐餐牌位于当眼位置 好多选择 仲要有老火靓汤跟 需要汤水嘅我即刻拣咗呢度💁🏻‍♀️ ❣️炸大龙脷柳饭 店员姨姨推介 果然冇介绍错 龙脷柳超级巨型 炸到好酥脆 但唔会有油腻感 炸粉够薄身 鱼肉嫩满多汁 可选配粟米汁或者烩汁 我钟意淡味啲 粟米汁啱晒我又啱用嚟捞饭食 午餐仲跟老火靓汤同饮品 今日系合掌瓜粟米煲猪骨 饮落好浓稠够晒火候 仲有红萝卜、猪骨等配料 饮完冇口渴 实测冇落味精㗎 冻柠茶少冰都真系冇揸流摊 见呢度啲店员好钟意同客人交流 唔怪得不乏熟客仔 老板娘见我生面口 都有嚟问吓我觉得食物质素如何 后来发现原来系香港小姐嘅妈妈 望落果然有贵气～ #绿岛茶餐厅小厨 (上环) 上环水坑口街16A号地铺