富宝海鲜菜馆真係抵食夹大件！海鲜够晒新鲜，清蒸石斑肉质鲜甜，椒盐虾碌镬气十足。环境係传统大排档格局，够晒接地气，人均百几蚊，喺港岛呢个地段算好抵，街坊同游客都啱去！

—— 事实证明 我真系钟意小炒多过西餐[吐舌] 今日带埋老豆嚟熟食市场揾食 揾隐世小店[得意] 通常过嚟北角呢边 大家都会去渣华道街市 但发现电气道市政大厦有间小炒更高质 环境更企理！ 真系发现得太迟了 老板介绍原来开咗成20年㗎啦！ 去完怪兽大厦打卡过嚟呢边劲方便～ 今次点嘅餸菜蒸炒煮炸都食齐！ ❣️椒盐虾拼猪颈肉 本身系想叫墨鱼饼拼猪颈肉 可惜老板调咁啱冇墨鱼 原来墨鱼饼真系自己打 下次一定要食到🫠 不过错有错着 椒盐虾原来都好正 虾肉新鲜弹牙 椒盐劲香口惹味 猪颈香得嚟入口有肉汁 而且份量超多 ❣️腐乳蒸鸡 鸡肉够晒滑溜 腐乳嘅咸香渗入鸡肉里面 配合得相当好 唔会过咸过淡 配埋葱花同姜片更加香口 ❣️凉瓜斑腩煲 最钟意食小炒店嘅原因就系煲仔菜 个煲烧到好红 上枱嘅时候吱吱声真系好有感觉 凉瓜翠绿 食落清爽 淡淡嘅苦涩味同豉椒汁好匹配 班腩炸浆上得够薄身 香口得嚟唔会有油腻感 仲配上厚厚嘅冬菇 更加滋味 ❣️海鲜杂菜煲 海鲜份量超级慷慨 铺满成个煲面 有老板亲自剥壳嘅大虾 鲜鱿 鱼肉 汤头好清新 杂菜有菜心、小棠菜、西兰花、椰菜花等 超级丰富 底下啲粉丝吸收晒啲精华 而且浸咗好耐都仲系爽口 一定系靓货 #富宝海鲜菜馆 (北角) 北角炮台山电气道229号市政大厦2楼

地道老字號大排檔 朋友帶我去市政大廈食大排檔，聽講已經開業25年，算是老字號。 7點已經坐滿街坊，估唔到竟然還有外國食客。 餐廳設在市政大廈2樓，電梯或扶手梯直達，乍見位置好大，佈置簡約又地道，以圓枱為主，濟濟一堂，非常熱鬧。 朋友話秋冬正是進補良機，所以 泰國椰青雞煲 最合適不過，以新鮮的椰青肉放入沙鍋，煲滾之後放入雞一齊煲熟，味道清新自然，不像坊間一般過份濃味，呢度追求食物的原味，感覺好健康。最後連湯都飲埋，又鮮又甜，無得炸營。 啫啫椰菜煲提供營養達至平衡。用沙鍋呈上，椰菜好新鮮，口感軟淋，配上蝦乾、薑、蔥、炸蒜、芹菜等調味，不會過份濃味，非常適合熱愛蔬菜的人士。 黃金蝦是我的至愛，鹹蛋黃包住大蝦，即叫即炸，色澤金黃，鑊氣十足，每一口都帶有濃郁的香味，讓人忍不住多吃幾隻。