美丽的小姐姐带我去吃的～ 在一座大厦里 有一点不好找 「蟹肉玉子烧」玉子烧很嫩 非常好吃～ 「南瓜沙律」绝绝子！！本来弄错了上成番薯沙拉 可爱的服务员大叔还帮我们换掉了 牛肉卷 海鲜饭之类的定食都不会踩雷 真的都很好吃～人不会太多 环境也很好！点赞！

👍🏻日本烏頭刺身 每片晶瑩剔透，薄薄一片好考刀功，食落無咩腥味，魚肉味道趨向輕盈清甜，質感軟身 ，可以輕蘸餐廳附上嘅酸汁，搭配不錯。咁啱撞正即日飛機空運而來～ 👍🏻時令壽司 🤍帶子厚厚兩片，界上坑紋，塗上秘製醬汁，有甜甜餘蘊。 🤍油甘魚非常肥美，輕微火炙後魚油脂更加澎湃，入口嫩身。 🤍賴尿蝦好鮮甜，帶有少少海水嘅咸味，上面配有少少薑蓉，入口更能提鮮。 👍🏻蟹肉玉子燒 蛋味香濃，蛋卷實淨，裏面滿滿嘅鮮甜蟹肉，一絲一絲，職員建議可以點上蘿蔔蓉，口感會再清新一點。 👍🏻燒安格斯牛扒 一整塊切好上碟，肉質粉嫩，黑椒味較搶，入口相對帶有嚼 👍🏻柚子豚肉豆腐石鍋湯 整鍋有滿滿配料：豆腐、娃娃菜、雞蛋、蔥花、昆布、豚肉。柚子味都唔係特別出，但湯頭都好清甜，飲啖湯即刻全身暖笠笠。 👍🏻👍🏻餐廳環境昏暗得來好有格調，枱與枱之間嘅空間好足夠。 👍🏻日本玄米茶 呢度係一壺壺上，有兩個小杯。裏面唔係囉茶粉，反而真係用一個茶袋焗泡。入口好清，好有菜香，仲可以不停加水 。

海膽深海池魚，這道菜好醒胃，酸酸尾尾既醬汁，配刺身食一樣咁夾，唔使經常都配wasabi咁單一，海膽有2種，橙色的口感比較幼滑，但海膽味未算好突出，黃色的口感較結實，不過海膽味相當濃郁。 厚燒玉子，蛋煮得岩岩好，外層帶有少少半凝固狀態，而且每一口食落都好滑身。 海膽吞拿魚壽司卷，共6件，由上至下係海膽、吞拿魚刺身、吞拿魚蓉、壽司米，刺身和蓉係兩種不同口感，混合一齊食口感層次豐富，加埋海膽令味覺更加提升。 炸蟹肉卷，共4球，餡料係蟹肉和忌廉，外層酥脆，內裏係“杰”身既軟滑餡料，有d似日本既可樂餅，碟上既醬汁係梅子味，酸酸地夠醒胃，而且可以解膩。 生薑豚肉飯，豚肉食落有油脂香味，油脂比例岩岩好，估計係7成肉3成脂肪既黃金比例，另外飯同樣有驚喜，每一啖都食到有生薑既味道，簡直係滲入左每一粒米。 蜜桃梳打/海鹽荔枝梳打，大杯兼且冰凍解渴，海鹽荔枝加入左椰果兩者永遠都係絕配。