今日去九龍城搵食，緊係去食泰國菜呢，見到呢間金麥泰好似幾抵食，決定入去試下 泰式椒鹽軟殼蟹 $158 呢個軟殼蟹整得好惹味，新鮮炸起熱辣辣脆卜卜，蟹肉鮮甜 泰式咖喱牛筋腩 $78 牛筋腩份量多，炆得好夠林，配菜都好豐富，咖哩甜甜地辣辣地，配埋蒜蓉包食一流 蒜蓉包 $30 蒜蓉包好香濃蒜蓉味，仲要好脆口 冬蔭功湯 小 $75 冬蔭功湯大大碗，有蝦同埋菇，辣辣地好開胃 泰式豬頸肉炒芥蘭 $78 豬頸肉入味，芥蘭鮮甜好爽口 芒果沙冰 $30 象啤 $32 芒果沙冰好清甜，象啤同泰菜都好match

前几日约咗朋友去九龙城一间新开嘅泰式餐厅试下, 主要原因系我哋好挂住泰国风味, 又未有时间飞去旅行, 唯有靠食嚟止吓瘾~~ 一入去已经觉得几有feel, 装修走木系同金色元素, 好似有啲泰国宫廷风格, 但又唔会太浮夸~~ 墙上挂住啲泰式图腾同手工艺品, 充满泰式风情 餐牌选择好多, 由前菜到甜品样样齐, 几乎覆盖晒泰国常见嘅菜式 泰式粉丝焗大头虾 $198 大头虾只只都好大只, 原只开边, 虾头爆膏, 虾肉爽口弹牙 ~~ 粉丝吸晒虾嘅精华同埋泰式香料嘅味道, 带咸香同焦香, 口感烟烟韧韧~ 用锅上枱, 保温效果好, 食到尾都热辣辣 泰式烧猪颈肉 $88 猪颈肉肥瘦均匀, 烧到边位焦脆, 入面仲保持到肉汁, 肉质爽弹~ 沾埋秘制酱汁食, 酸酸辣辣带少少甜, 非常开胃呢 泰式盐烧侧鱼 $168 侧鱼成条铺晒厚厚嘅盐去烧, 烧完之后外层盐壳脆卜卜~ 入面嘅鱼肉就保持到好嫩滑又多汁 食嘅时候撕开鱼皮, 白雪雪嘅鱼肉即刻见光, 冇腥味, 仲带住淡淡盐香~~~ 鱼肉夹一啖, 再点少少青柠辣椒鱼露汁, 鲜甜同咸香立即爆晒出嚟 鱼肚酿满香茅同柠檬叶, 辟腥又清香 芒果糯米饭 $55 糯米饭煮到软糯黏口, 饭身充满椰浆香 配埋新鲜熟透嘅芒果, 果肉金黄色, 甜到好似蜜糖咁~~ 食嘅时候一啖椰香糯米, 一啖芒果, 甜香同椰香完美结合