陈仪兴玫瑰餐厅小厨好有新蒲街坊烟火气！港式小炒镬气够晒足，玫瑰豉油鸡皮滑肉嫩，啱晒本地口味。环境简朴但干净企理，人均几十蚊就食得好，抵食又贴地，係返工医肚嘅好去处！

今日同朋友嚟到新蒲崗呢間 陳儀興玫瑰餐廳 ，發現咗個超抵食秘密💥！原來呢度免加一服務費、免醬料費、免茶芥，三免政策真係慳唔少～員工態度友善又好客，成個用餐體驗輕鬆又舒服，絕對係街坊飯堂之選！ 🍲家鄉炆鴨煲 一上枱就聞到超濃郁薑味！鴨肉炆得軟淋入味，完全冇鴨羶味[色]，半隻份量兩個人share啱啱好～醬汁濃稠撈飯真係一流，記得要提前預訂先有得食啊！ 🥩招牌手切肥牛 牛肉控必點！肥牛肉味超濃郁，油脂分布均勻，輕輕一淥已經好軟嫩～咬落有口感又唔會韌，果然係鎮店之寶👑 🦑松露墨魚丸 自家手打墨魚丸超彈牙！加入濃郁松露香味，真係食到停唔到口～鍾意松露嘅朋友一定會愛上！ 🥟韭菜餃（芫荽拼粟米餃） 每款4隻，脹卜卜，饀料超多～ 🍹自家製飲品超養生 ▪️竹蔗茅根水清甜滋潤 ▪️羅漢果茶清熱下火 兩款都係打邊爐絕配！ ▪️檸檬茶勁大杯！ 另外仲試咗即食椒鹽九肚魚，香口脆身肉滑，蜂巢豆腐勁索湯汁～成餐飯食到捧住個肚走，人均$400，性價比超高！已經約定下次再嚟試佢哋其他養生雞煲🐔～

今日試咗新蒲崗陳儀興玫瑰餐廳嘅午餐 咖哩吉列魚柳煎蛋飯 ，整體抵食夠飽肚！ 吉列魚柳有3塊，每塊唔大過掌心，炸粉薄脆，魚肉算嫩滑，不過略嫌唔夠厚身。 咖哩汁偏濃香，微辣開胃，但份量可以再多啲，撈飯有啲唔夠喉。 煎蛋正常流心，蛋黃撈飯一流；米飯份量足，軟硬適中。 配杯凍檸茶，茶底唔澀，清爽解膩，夠凍。 服務方面，有1位光頭帶眼鏡的男侍應態度有啲串，其他侍應態度正常。 以午餐價錢來說，味道一般，性價比算是不錯，可以再encore！