由於我部閃電，喺中山冇專賣店，最近都要跑到佛山呢種二線城市先有專賣店，冇辦法，好幾次維護保養，我都只可以送到東區間DAHON大行，次次手工材料費都唔便，今次，我避免再俾東區個奸商揾笨，自己上網使咗幾千文買咗成套shimano30速套件加剎把，再直接問個老闆手工費幾多？好嘢哦，居然同我報價300，一個三線城市嘅單車鋪，手工費仲貴過我老友喺廣州問嘅價錢，有種[发呆][发呆][发呆]直接同東區DAHON個奸商拜拜，以後都唔幫襯！！！！ 後來問咗附近好幾間店，冇人接我生意，因為要先拆我單車舊配件，再安裝新配件，太耗時[尴尬]不過經過熟人介紹，終於揾到呢間位於沙溪嘅千里達專賣店，老闆睇起身差唔多50幾歲喥，經驗老到，幫我冚唪呤改裝好，先收咗80文，不過美中不足，可能老闆平時冇點接觸過shimano30速嘅套件，調教唔太準，變速唔靈敏，而會有跳齒情況加檔位唔准嘅情況，不過，自己慢慢調就系，80文可以搞成噉，我都好滿意，東區條粉腸居然仲好意思收300，最後曝光一下DAHON大行老闆嘅樣，大家認清楚，千祈唔好好似我噉做水魚俾人揾笨。