位置：佛山市高明区荷城街道沿江路世纪广场隔离，高明区政府斜对面，近海滨公园。 环境：一线嘅西江江景，沿江有海滨公园，隔离就有个大型嘅世纪广场，对面又有个高明体育馆，环境清幽，旺中带静，眺望远处仲可以睇到西樵山嘅观音，呢喥嘅住宅可以讲係高明区稀有嘅一线西江江景住宅。 配套设施：住宅裙楼楼下嘅商铺目前有超级市场、书店、中西餐餐厅，娱乐方面只有世纪广场内提高嘅游乐设施，而医院同菜市场相对较远。 总体嚟讲：基本上每次翻高明都会入住亲戚呢喥嘅屋企，睇翻间隔方面实用率都好高，离高明区中心唔算太远，附近亦都冇大型商场同大X发嘅超级市场，不过胜在一线江景，空气清新，而且环境清幽唔会嘈杂（除咗夜晚世纪广场啲大妈跳舞外）；楼下嘅海滨公园南端亦都有渔船靠岸做生意，即日打捞嘅西江河鲜都可以买到；周边停车亦都非常方便，又有酒楼饮茶，又有西餐厅锯扒，严格嚟讲都算係富人区住嘅地方。